Напрыканцы Каляднага тыдня пад кіраўніцтвам музычнага кіраўніка Ганчарук К.У. прайшла фальклорная забава «Прыйшла Каляда – адчыняй варата!».

Да Каляд рыхтаваліся сур’ёзна. Знаёмілі выхаванцаў з гісторыяй свята, яго традыцыямі, развучвалі з імі калядныя песні, беларускія народныя танцы і вершы. Так, дзеці прыйшлі калядаваць у хату да гаспадыні. З сабой калядоўшчыкі прывялі казу і мядзведзя, якія сімвалізуюць дабрабыт і здароўе.

Наша «Каляда» была насычана казачнай атмасферай, вясёлымі песнямі i гульнямі. Свята не толькі прынесла радасць нашым выхаванцам, але і дало ім магчымасць дакрануцца да традыцый і звычаяў беларускага народа, самім адчуць усю красу народных святаў і гулянняў.
Дзеці вельмі любяць такія вясёлыя святы, актыўна прымаюць у іх удзел: спяваюць калядна-абрадавыя песні, чытаюць вершы, танцуюць, “водзяць казу” і гуляюць ў гульні.